Presidenti Bajram Begaj ka dënuar dhunën e ushtruar ndaj gazetarit Elvis Hila dhe bashkëshortes së tij në Lezhë.
Në një reagim në rrjetet sociale, Presidenti kërkon zbardhjen e ngjarjes nga autoritetet dhe thekson se cënimi i lirisë së fjalës dhe dhuna ndaj gazetarëve është e papranueshme.
“Dënoj me forcë dhunimin e gazetarit të Report TV në Lezhë, Elvis Hila dhe bashkëshortes së tij. Teksa i uroj një shërim të shpejtë zotit Hila dhe bashkëshortes, inkurajoj institucionet shtetërore përgjegjëse të hetojnë dhe zbardhin sa më shpejt këtë ngjarje. Cënimi i fjalës së lirë, presioni dhe mbi të gjitha dhuna ndaj gazetarëve është e papranueshme në një shtet demokratik”, thotë Presidenti Begaj.
