Aktualitet

Bardhi: Gjatë “arratisë” Kajmaku u pagua 200 mln lekë nga Rama

               Publikuar në : 16:37 - 08/07/20 liberale

Sekretari i Përgjithshëm i PD, Gazment Bardhi ka reaguar pasi Gjykata liroi ish-kryebashkiakun e Vorës, Agim Kajmaku.

Në një postim në Facebook, Bardhi shkruan se gjatë 24 orëve të fundit u zbatua një skenar mafioz për lirimin e Kajamkut, i cili “gjatë kohës së “arratisë” u pagua 200 milionë lekë nga pushteti e Edi Ramës”.

Reagimi i plotë

Një skenar mafioz u zbatua 24 orët e fundit nga qeveria dhe drejtësia për të lënë të lirë Agim Kajmakun e Vorës.

Policia bëri dje sikur e arrestoi papritur, pas një gjoja arratisje 7 mujore, ndërsa drejtësia, nën diktatin e qeverisë, e liroi sot nga burgu. Gjithçka ishte llogaritur që lulishtari i oborrit 1 milionë euro të Edi Ramës në Surrel të mos vuante asnjë ditë burg.

Agim Kajmaku, një fallsifikator, që fshehu krimin në formularin e dekriminalizimit, u mbrojt nga Edi Rama. Kryeministri nuk e shkarkoi nga detyra, megjithëse ne provuam me dokumenta se kryebashkiaku ilegjitim i Vorës kishte mashtruar dhe ishte në shkelje flagrante të ligjit.

Gjatë kohës së “arratisë”, Agim Kajmaku u pagua 200 milionë lekë nga pushteti e Edi Ramës, duke vendosur rekord sesi një person që kërkohet nga policia, përfiton njëkohësisht miliona lekë nga tendera publikë. Ky është një pushtet i kalbur që duhet shkulur me rrënjë, sa më parë!

Tags: , ,

KOMENTO (0)

Shkruaj nje koment

Your email address will not be published. Required fields are marked *

* *

Back