Ministri i Rindërtimit, Arben Ahmetaj tha se do të nisë zyrtarisht rindërtimi i banesave.
Ai tha se 4 mijë familje do jenë në shtëpi të re në vitin 2021.
“Javës që vjen shpallet gara ndërkombëtare për 3400 shtëpitë. Do të ftojmë kompanitë ndërkombëtare për të ndërtuar shtëpitë individuale. Do të ftohen ambasadat dhe kompanitë ndërkombëtare për prokurim. Bashkitë kanë nisur vlerësimin e dosjeve individuale. Shtëpitë individuale do të ndërtohen me teknologji të mirë. Rindërtimi do jetë sipas standardit europian, rezistent ndaj tërmeteve deri në 9 ballë. Katër mijë familje që do banojnë në banesat e reja do ta festojnë vitin e ri 2021 në banesat e reja”, tha Ahmetaj. /Gazeta Liberale
