Aktualitet

Video/ Tërmeti në Afganistan rrafshon mbi 11 fshatra, mijëra të vdekur

Shkruar nga Liberale
Video/ Tërmeti në Afganistan rrafshon mbi 11 fshatra, mijëra
Një tërmet me magnitudë 6.3 goditi sot provincën perëndimore të Afganistanit Herat, duke nxitur autoritetet të largojnë ekipet e ndihmës dhe shpëtimit tashmë në terren, pas një serie tërmetesh vdekjeprurëse të shtunën. Deri më tani nuk ka asnjë informacion për viktimat e shkaktuara nga tërmeti i ri, tha për Reuters përfaqësuesi i agjencisë së menaxhimit të fatkeqësive Janan Sagik. Tërmetet e së shtunës vranë të paktën 2,400 njerëz, tha qeveria talebane. Një deklaratë u lëshua nga zyra e guvernatorit të Heratit ku thuhej se disa zona, rrethe fqinje që ishin rrafshuar nga tërmetet e mëparshme, shënuan humbje të mëdha. Më shumë se 2,000 njerëz u plagosën kur tërmetet e shumta shkatërruan mijëra shtëpi në veriperëndim të qytetit të Heratit disa ditë më parë. "Ekipet mjekësore dhe zyrtarët po punojnë së bashku për të transportuar të lënduarit në spital ," tha zyra e guvernatorit. Sipas OKB-së, në 11 fshatra të rajonit Zinda Jan vlerësohet se shtëpitë janë shkatërruar plotësisht. Siç njofton Zyra e OKB-së për Koordinimin e Çështjeve Humanitare, 516 persona, 203 burra dhe 213 gra, janë shpallur të zhdukur. Qendra Gjermane e Kërkimeve për Gjeoshkencat (GFZ) njoftoi se tërmeti i fundit ka qenë me magnitudë 6.3 ballë dhe ka ndodhur në një thellësi prej 10 kilometrash. Afganistani ka një histori tërmetesh të forta, shumë prej të cilëve ndodhin në rajonin Hindu Kush që kufizohet me Pakistanin. Përpjekjet e ndihmave dhe shpëtimit pas tërmeteve të së shtunës janë penguar nga infrastruktura e shkatërruar pas dekadash lufte dhe mungesa e ndihmës së huaj që dikur ishte shtylla kurrizore e ekonomisë afgane, por që është tharë që kur talebanët morën pushtetin. Sistemi shëndetësor i Afganistanit, i cili mbështetet shumë në ndihmën e huaj, po përballet gjithashtu me shkurtime dhe shumë probleme./Liberale.al

Liberale Newsroom

Poll
SHQIPENGLISH