Aktualitet

Ushqimet e së ardhmes/ Shkencëtarët: Çfarë do të konsumoni deri në vitin 2050

Shkruar nga Liberale

Lufta e Ukrainës ka nxjerrë në pah rrezikun se, tregjet mund të mbeten pa drithëra si; gruri, orizi, misri etj.

Ndryshimet klimatike, gjithashtu ndikojnë në prodhimin e drithërave dhe si pasojë edhe në rritjen e çmimit të tyre në mbarë botën. Ekspertët në Kopshtin Mbretëror Botanik në Kew të Londrës kanë hartuar një listë të bimëve, që nuk njihen shumë, por që mund të konsumohen deri në vitin 2050-n. Banania e egër është një lloj fruti, i cili shërben si ushqim në Etiopi. Fruti i bimës konsiderohet si i pangrënshëm, por kërcellet dhe rrënjët me niseshte mund të fermentohen dhe përdoren për të bërë qull dhe bukë. Një frut tjetër që mund të konsumohet në të ardhmen është pandanus dhe është i ngjashëm me ananasin. “Ne e dimë se ka mijëra lloje bimësh të ngrënshme që konsumohen në vende të ndryshme të botës. Kështu që mund të gjejmë disa zgjidhje për këto sfida globale të së ardhmes”, thotë studiuesi i Kew, Dr Sam Pirinon. Nga më shumë se 7000 bimë të ngrënshme në mbarë botën, vetëm 417 përdoren për ushqim. Pandanus-i Pandanusi është një pemë e vogël që rritet në zonat bregdetare që nga Ishujt e Paqësorit deri në Filipine. Gjethet përpunohen dhe përdoren për gatime në Azinë Juglindore, ndërsa frutat mund të konsumohen të papërpunuara ose të gatuara. “Është një ushqim rezistent ndaj klimës dhe shumë i shijshëm”, thotë studiuesja Dr. Marybel Soto Gomez. Fasulet Fasulet, ose bishtajoret janë një tjetër ushqim i cili do të konsumohet masivisht në të ardhmen. Ato nuk janë të kushtueshme, por janë pasura me proteina dhe vitamina B dhe mund të konsumohen në zona të ndryshme, duke nisur nga brigjet e oqeanit deri te shpatet malore. Ekzistojnë 20 mijë lloje bishtajore në botë, por ne përdorim vetëm një pjesë të vogël. Mendohet se ka me qindra në natyrë, por që ende nuk njihen nga shkencëtarët. Jo të gjitha bishtajoret janë të ngrënshme, por ekspertët po eksplorojnë vetitë e specieve të ndryshme për të parë se cilat prej tyre mund të ofrojnë ushqim dhe lëndë ushqyese. Drithërat e egra Ekzistojnë më shumë se 10 mijë lloje drithërash, të cilat vijnë nga barishtet. Fonio, një nga ushqimet që konsumohet gjerësisht në Afrikën Perëndimore për të bërë kuskus, qull dhe pije. Enset ose bananet e egra Enset konsumohen vetëm në një pjesë të Etiopisë. Fruti i ngjashëm me ananasin është i pangrënshëm, por kërcellet dhe rrënjët me niseshte mund të fermentohen dhe përdoren për të bërë qull dhe bukë. Studimet sugjerojnë se, ky frut ka potencial të ushqejë më shumë se 100 milionë njerëz në botë. /Përshtatur nga BBC për Liberale.al

Liberale Newsroom

Poll
SHQIPENGLISH