“Në një moment vendimtar ata përmbledhin dilemën se si duhet të trajtohet populizmi” - shkruan në artikullin kryesor të javës “The Economist”, teksa i referohet politikaneve femra me më shumë pushtet në Europë: Ursula von der Leyen, Giorgia Meloni dhe Marine Le Pen
“Në një botë të rrezikshme, Evropa e rehatshme dhe e vjetër e gjen veten në një pozitë alarmante. Në Ukrainë vazhdon lufta më e përgjakshme e kontinentit që nga viti 1945, ndërkohë që Rusia paraqet një kërcënim nga Balltiku për hapësirën kibernetike. Nëse Donald Trump kthehet në Shtëpinë e Bardhë, ai mund të minojë NATO-n, themelin e sigurisë evropiane. Ekonomia e kontinentit është e ndjeshme ndaj goditjeve të shkaktuara nga politika industriale dhe proteksionizmi diku tjetër, gjetkë. “
“Populistët euroskeptikë janë duke u ngjitur lart në sondazhe.”
“Për t'u përballur me këto rreziqe, Evropa ka nevojë, së paku, për një udhëheqje koherente në nivel të BE-së. Ajo gjithashtu duhet të mbajë ekstremistët jashtë dhe larg pushtetit. Nëse do të ketë sukses, varet pjesërisht nga zgjedhjet e tre grave: Ursula von der Leyen, presidentja e Komisionit Evropian, Giorgia Meloni, kryeministre e Italisë dhe Marine Le Pen, populistja kryesore franceze”- shkruan ndër të tjera në përmbledhje të artikullit kryesor të javës “The Economist”.
/Liberale.al/
