Një ngjarje e rëndë ka ndodhur në një shkollë fillore në Serbi. Autoritetet kanë konfirmuar se një djalë 14-vjeçar ka shtënë me armë zjarri në shkollën “Vladislav Ribnikar” dhe ka vrarë tetë fëmijë dhe një roje.
I riu ka hyrë në orën e historisë dhe ka nisur të qëllojë mbi nxënësit, siç konfirmohet për B92.net.
Ndërkohë, nga të plagosurit, një fëmijë është tashmë në tryezën e operacionit, pasi ka lëndime në kokë dhe është në rrezik për jetën.
Dy fëmijët e tjerë që u pranuan në Tiršova kanë plagë me armë zjarri dhe janë në terapi intensive.
“Në të shtënat që ndodhën mëngjesin e sotëm në shkollën fillore “Vladislav Ribnikar” në Vraçar, mbetën të vrarë tetë fëmijë dhe një roje, ndërsa gjashtë fëmijë dhe një mësues shkolle u plagosën dhe aktualisht po kujdesen në Qendrën Emergjente dhe në Tiršova. Në oborrin e shkollës është gjetur dhe arrestuar nxënësi i kësaj shkolle K.K.(2009) i cili dyshohet se ka kryer këtë vepër.Të gjitha forcat e policisë janë ende në terren dhe po punohet intensivisht për zbardhjen e të gjitha fakteve dhe rrethanave. çoi në këtë tragjedi”, thuhet në deklaratën e Ministrisë së Punëve të Brendshme.
