Policia ka reaguar për ngjarjen e rëndë në Shkodër, ku turisti amerikan i identifikuari si Brandon Saporito vrau me thikë bashkëjetuesen dhe më pas tentoi t'i jepte fund jetës.
Policia bën të ditur se shtetasi amerikan në gjendje të dehur ka masakruar me thikë 60 vjeçaren e cila raportohet se ka humbur jetën në vendngjarje.
Njoftimi i policisë:
Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.
Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.
