Duke nisur nga sot, 1 maj 2025, hyn në fuqi marrëveshja për lëvizjen e lirë mes Kosovës dhe Shqipërisë, që lejon qytetarët të kalojnë kufirin pa pasaportë apo letërnjoftim për pjesën më të madhe të vitit.
Sipas marrëveshjes së nënshkruar nga qeveritë e Kosovës dhe Shqipërisë parashikohet që qytetarët mund të lëvizin lirshëm gjatë periudhës 1 maj – 30 shtator dhe 1 nëntor – 28 shkurt.
Gjatë muajve të tjerë, kalimi kufitar bëhet me procedura të përshpejtuara. Lëvizja e lirë synon të nxisë zhvillimin ekonomik, turistik dhe të forcojë bashkëpunimin mes dy vendeve.
Në orët e para të mëngjesit, pika e Morinës është përballur me fluks të shtuar udhëtarësh nga Kosova, që kanë zgjedhur Shqipërinë për të festuar 1 Majin dhe për të kaluar disa ditë pranë bregdetit.
Shkurtimi i barrierave kufitare jo vetëm përshpejton lëvizjen, por forcon edhe më shumë lidhjet mes dy vendeve.
