Një aksident i rëndë ka ndodhur këtë pasdite në qytetin e Elbasanit, ku janë përplasur tri makina. Ngjarja ka ndodhur në rrugën që lidh Universitetin “Aleksandër Xhuvani” me përroin e Zaranikës, në lagjen Haxhias.
Sipas informacioneve të para nga vendngjarja, disa persona kanë mbetur të plagosur. Një prej tyre është në gjendje shumë të rëndë, pasi ka marrë dëmtime në kokë.
Ekipet e ambulancës dhe policisë kanë shkuar menjëherë në vendin e aksidentit dhe po japin ndihmën e parë për të lënduarit. Ende nuk dihet saktësisht sa persona janë plagosur dhe cili është shkaku i aksidentit.
Më shumë detaje për gjendjen e të lënduarve dhe rrethanat në të cilat ndodhi ky aksident priten në vijim. Ndërkohë njëri prej të lënduarve paraqitet në gjendje kritike.
