Një aksident i rëndë është regjistruar pak minuta më parë në aksin rrugor Bulqizë–Pishat, në vendin e quajtur “Ura e Vocit”, ku dy automjete janë përplasur mes tyre. Si pasojë e përplasjes, të dy drejtuesit e makinave kanë mbetur të plagosur.
Pamjet nga vendngjarja tregojnë njërën nga makinat të përmbysur në një livadh pranë rrugës. Aksidenti është konstatuar fillimisht nga drejtues të tjerë mjetesh, të cilët njoftuan menjëherë policinë dhe ambulancën.
Dy të plagosurit janë transportuar në spitalin e Bulqizës, ku kanë marrë ndihmën e parë. Sipas mjekëve, ata ndodhen jashtë rrezikut për jetën. Ndërkohë, policia dhe grupi hetimor kanë nisur hetimet për të zbardhur shkaqet e aksidentit.
