Pas përfundimit të zgjedhjeve, në Policinë e Tiranës kanë ndodhur shumë ndryshime, sidomos në drejtimin e komisariateve dhe në Policinë Rrugore.
Shefat e Komisariatit nr. 5 në Tiranë dhe atij të Vorës kanë ndërruar vendet mes tyre. Ndërkohë, edhe shefi i krimeve në Komisariatin nr. 1 është transferuar dhe tani do të punojë te sektori i aksidenteve në Policinë Rrugore të Tiranës.
Në Policinë Rrugore ka pasur edhe më shumë lëvizje. Rreth 20 punonjës të trafikut dhe linjave janë transferuar, së bashku me 4 komandantë, përfshirë edhe shefin e trafikut urban, Jetnor Shira. Në vend të tij është emëruar Megian Ademaj.
Gjithashtu, janë transferuar edhe disa oficerë të policisë gjyqësore që punonin në rrugore.
Arsyet për këto ndryshime ende nuk janë bërë publike.
