Një 44-vjeçar i shpallur në kërkim ndërkombëtar nga autoritetet italiane është arrestuar nga policia në Pikën Kufitare të Hanit të Hotit, në Shkodër.
Gjatë operacionit policor të koduar “The Wanted” u bë kapja dhe arrestimi me qëllim ekstradimi, i shtetasit Lazër Vladaj, alias Cristian Manea, 44 vjeç, banues në Shkodër.
Ky shtetas ishte i shpallur në kërkim ndërkombëtar, pasi Gjykata e Apelit e Peruxhias, në Itali, e ka dënuar me 5 vjet e 6 muaj burgim, për veprën penale “Shfrytëzim prostitucioni në bashkëpunim”, parashikuar nga Kodi Penal italian.
