Sekretari i Përgjithshëm i NATO-s Mark Rutte ka thënë se katër ushtarë amerikanë që u zhdukën gjatë stërvitjes në Lituani kanë vdekur, por shtoi se nuk dinte ende ndonjë detaj.
Një zyrtar amerikan, i cili foli në kushte anonimiteti, komfirmoi se katër ushtarët ishin përfshirë në një aksident stërvitor.
Rutte tha gjatë një udhëtimi në Varshavë se kishte marrë fjalë për vdekjen e ushtarëve dhe se mendimet e tij ishin me familjet e tyre dhe me Shtetet e Bashkuara.
"Ky është ende një lajm qe sapo mbërriti, kështu që ne nuk i dimë detajet. Ky është vërtet një lajm i tmerrshëm dhe mendimet tona janë me familjet dhe njerëzit e dashur," u tha Rutte gazetarëve në Varshavë.
Një deklaratë nga Ushtria Amerikane për Evropën dhe Afrikën për çështjet publike në Wiesbaden tha se ushtarët po kryenin stërvitje taktike të planifikuar në atë kohë.
Transmetuesi publik lituanez LRT raportoi se personeli i shërbimit të SHBA dhe një automjet u raportuan të zhdukur të martën pasdite gjatë një stërvitje në terrenin e stërvitjes General Silvestras Žukauskas në Pabradė, një qytet më pak se 10 kilometra nga kufiri me Bjellorusinë.
Vendet baltike të Lituanisë, Letonisë dhe Estonisë janë të gjitha anëtarë të NATO-s dhe shpesh kanë pasur lidhje të ftohta me Rusinë që nga shpallja e pavarësisë nga Bashkimi Sovjetik në vitin 1990.
Marrëdhëniet u përkeqësuan më tej për shkak të pushtimit të plotë të Ukrainës nga Rusia në vitin 2022.
Presidenti i Lituanisë Gitanas Nauseda ka qenë një nga mbështetësit më të hapur të Kievit në luftën e tij kundër forcave të Moskës.
/Liberale.al/
