SHBA thotë se pret që Shqipëria të respektojë procesin e duhur në çështjen Beleri.
Departamenti Amerikan i Shtetit sipas mediave greke, “i ka dërguar mesazhin autoriteteve shqiptare se Uashingtoni pret që të respektohet shteti i së drejtës në rastin e kryetarit të zgjedhur të bashkisë së Himarës, Fredi Beleri, i burgosuri i zgjedhur (në zgjedhjet e 14 majit) por me origjinë etnike”.
Duke iu përgjigjur një pyetjeje nga korrespondentët grekë në Uashington, një zëdhënës i Departamentit të Shtetit tha, “ne jemi në dijeni të rastit dhe presim që autoritetet shqiptare të ndjekin procesin e duhur sipas ligjeve [të vendit]”.
Sipas Kathimerinit, “Beleri ndodhet në burg që prej muajit maj, pasi u arrestua vetëm pak ditë para zgjedhjeve vendore për gjoja përpjekje për të blerë vota, një akuzë që ai e mohon me forcë.
Autoritetet gjyqësore në Shqipëri kanë refuzuar kërkesat për lirimin e tij nga paraburgimi. Rasti ka shkaktuar një tendosje në marrëdhëniet greko-shqiptare dhe ka vënë Tiranën nën presionin e Bashkimit Evropian”.
