Ylli i futbollit Xherdan Shaqiri, kampion me FC Basel dhe ish-pjesëtar i rëndësishëm i kombëtares së Zvicrës, ka reaguar ashpër ndaj deklaratave të trajnerit Murat Yakin.
Gjatë një konference për shtyp para finales së Kupës së Zvicrës, Shaqiri u pyet për mundësinë e rikthimit te kombëtarja. Përgjigjja e tij ishte e qartë dhe e prerë:
“Dera është e mbyllur për momentin.”
Kjo deklaratë vjen si kundërpërgjigje ndaj trajnerit Yakin, i cili pak ditë më parë tha se “dera është e hapur për Shaqirin” në ekipin kombëtar. Por duket se mes tyre raportet nuk janë më të mira dhe Shaqiri nuk e sheh të afërt kthimin te Zvicra.
