Si sot 34 vite më parë, më 20 shkurt 1991, qytetarët rrëzuan statujën e diktatorit Enver Hoxha në sheshin qendror të Tiranës.
Kjo ditë shënon rënien e komunizmit despotik në Shqipëri.
Ata të cilët janë sot mbi 40 vjeç vështirë se mund të kenë fshirë nga memoria momentin histori, që u pasqyrua shkurtimisht përmes pamjeve vizive edhe në televizionin shtetëror të kohës, i vetmi mjet komunikimi dhe që kontrollohej ende nga regjimi.
Foto historike e 34 viteve më parë është publikuar nga faqja “Fotografi 'Vintage' Shqiptare”, e cila mes të tjerave ka marrë edhe reagimin e një 6-vjeçari.
Kam qenë në shesh me babin....isha 6 vjeç e 5 ditësh... E kam parë me sytë e mi kur është tërhequr zvarrë koka e statujës.... dhe ushtarët me qentë e kufirit që ndiqnin djemtë e rinj nëpër rrugët e Tironës”, ka shkruar ai krahas fotos historike, në momentin e rrëzimit të bustit të Enver Hoxhës, çka simbolizon rënien e regjimit të kaluar.
