Edicioni i katërt i Javëve Kulturore Ndërkombëtare (JKN) në Tiranë ka nisur me një kalendar të pasur aktivitetesh që do të shtrihen nga maji deri në nëntor të vitit 2025.
Ky program është një iniciativë e Ministrisë së Ekonomisë, Kulturës dhe Inovacionit, e cila synon të promovojë dialogun ndërkulturor dhe të pasurojë jetën kulturore të qytetarëve shqiptarë.
Edicioni i katërt i Javëve Kulturore Ndërkombëtare (JKN) do të shoqërohet me aktivitete të ndryshme dhe me çeljen e disa ekspozitave.
Çfarë përkufizon vlerat evropiane në mes të ndryshimeve globale në politika dhe pushtet? Aktivitetet kulturore synojnë për një reflektim mbi parimet që vazhdojnë të bashkojnë Evropën, në kontrast me modelet në ndryshim diku tjetër. Në rrezik është pyetja nëse një ndjenjë e përbashkët përkatësie mund të mbijetojë përmes pasigurisë.
Gjatë javëve ndërkombëtare do të çelen disa ekspozita.
Ditën e Hënë, ora: 15:00-21:00, do të çelet ekspozita “PIKËNISJE TË PAQARTA” nga Olsi Hoxha dhe të Martën, më 27 maj “DASHURIA ËSHTË E NJËJTË” te Piramida jashtë do të çelet një tjetër Ekspozitë nga Blerta Kambo.
Gjatë javës te piramida do të zhvillohet edhe një bisedë me artistin. “Dashuria është e njëjtë” – e Blerta Kambo do të ketë një bisedë të hapur rreth veprave të paraqitura në ekspozitë, duke ftuar pyetje dhe reflektime nga publiku. Është një hapësirë për të ndarë procese, qëllime dhe përshtypje personale. Përgatiti: Sindi Boçova
