Sot rreth orës 12:40 Policia e Kosovës është informuar se në Prevallë disa qytetarë janë goditur nga rrufeja.

Zëdhënësi i Policisë për rajonin e Prizrenit, Shaqir Bytyqi, ka konfirmuar se “Sot rreth orës 12:14, Policia është informuar se në Prevallë rrufeja ka goditur 5 persona”.

Sakaq, raportohet se të lënduarit i përkasin një familjeje dhe ka vdekur njëra nga të lënduarit. Ndërsa një grua tjetër është në gjendje të rëndë.

Sipas policisë, viktima “është grua rreth moshës 64 vjeçare nga Ferizaj. Ajo ka ndërruar jetë në Spitalin Rajonal të Prizrenit”.