Kosova dhe Izraeli do të shënojnë një hap tjetër të rëndësishëm në marrëdhëniet mes dy vendeve. Kjo pasi sot do të nënshkruhet marrëveshja për heqjen e vizave nga Izraeli për shtetasit e Kosovës.
Lajmi është bërë i ditur nga ambasada e Izraelit në Prishtinë, raportojnë mediat në Kosovë.
Sipas njoftimit, ceremonia e nënshkrimit të marrëveshjes do të mbahet në orën 18:00.
“Kemi kënaqësinë t’ju ftojmë në pritjen e nesërme të organizuar nga Shkëlqesia e Saj znj. Tamar Ziv, Ambasadore e Shtetit të Izraelit në Republikën e Kosovës, me ç’rast do ta shënojmë Ditën e Pavarësisë së Izraelit dhe Marrëveshjen për Heqjen e Vizave për shtetasit kosovarë”, thuhet në njoftim.
