Disa të rinj janë mbledhur sot para zyrave të EULEX-it në Fushë Kosovë dhe po protestojnë në mënyrë paqësore, pasi aty po qëndron që nga dita e djeshme ish-presidenti Hashim Thaçi, i cili është lejuar të vijë në Kosovë pas vdekjes së babait, Haxhi Thaçi, për të vizituar varrin e tij.
Protestuesit po mbajnë në duar pankarta me mbishkrime “Liri për çlirimtarët”, “Drejtësi, jo politikë”.
Tek selia e EULEX në Fushë Kosovë, Thaçin e kanë vizituar sot vëllezërit dhe bashkëshortja e tij, Lumnie Thaçi.
