Një ngjarje e rëndë raportohet se ka ndodhur mbrëmjen e së martës, ku një zyrtar policie është qëlluar me armë zjarri për vdekje. Ngjarja bëhet me dije të ketë ndodhur në Kaçanik të Kosovës.
Policia e ka konfirmuar rastin derisa është bërë e ditur se zyrtari policor nuk ka arritur t'u mbijetojë plagëve të marra.
Zëdhënësi i Policisë për Rajonin e Ferizajt, Kanun Veseli, ka bërë të ditur se efektivi u gjet në gjendje të rëndë pranë hyrjes së ndërtesës së tij.
“Kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra, pjesëtari i Policisë ka ndërruar jetë, kjo është konstatuar nga mjekët në këtë qendër”, ka deklaruar Veseli.
Ndërkohë ende nuk dihen autori/ët e krimit.
