Një aksident i rëndë ka ndodhur në rrugën Prizren-Suharekë, Kosovë ku 40-vjeçar ka humbur jetën.

Sipas njoftimit zyrtar nga policia e Kosovës, në aksident janë përfshirë dy automjete.

Njoftimi i policisë:

“Me datën 15.08.2024, rreth orës 06:16, është raportuar për një aksident trafiku të ndodhur në rrugën Prizren-Suharekë (Rrafshi i Sopisë). Lidhur me rastin janë njoftuar njësitë përgjegjëse policore të cilët menjëherë kanë dalë në vendngjarje.

Bazuar në informacionet e para në këtë aksident janë të përfshira dy automjete me targa vendore, ku si pasojë e këtij aksidenti dyshohet se një person ka ndërruar jetë (mashkull rreth 40 vjeçar).

Vdekjen e tij e ka konstatuar stafi përgjegjës i Emergjencës së QMF në Suharekë”, thuhet në njoftim të policisë kosovare.