Pasditen e sotme një 60-vjeçar është gjetur i pajetë nga familjarët në banesën e tij, në Tiranë.
Policia dyshon se ai është vrarë me armë zjarri.
Në njoftimin e policisë së kryeqytetit bëhet e ditur se ngjarja ka ndodhur mbrëmjen e sotme në rrugën “Agush Gjergjevica”.
“Rreth orës 18:55, në rrugën “Agush Gjergjevica”, në banesë, është gjetur nga familjarët, pa shenja jete, shtetasi B. Z., 60 vjeç, i cili dyshohet se ka vrarë veten me armë zjarri”, tha policia.
Blutë nuk saktësuan motivin e vetëvrasjes, apo nëse arma ishte me leje, ndërkohë ngjarja është nën hetim.
Grupi hetimor aktualisht po punon për sqarimin e rrethanave të ngjarjes. /Liberale.al/
