Një ngjarje e rëndë ka ndodhur në Greqi, ku një 41-vjeçar shqiptar është vrarë me armë zjarri në një vresht në zonën rurale të Rafinës.
Viktima është identifikuar si Altin Arapaj. Ai ishte i njohur për policinë greke për shkak të përfshirjes së tij në disa ngjarje të mëparshme kriminale.
Sipas raportimeve të para nga mediat greke, para se të humbte jetën, 41-vjeçari arriti të telefononte bashkëshorten e tij dhe i tregoi emrin e personit që e qëlloi. Dyshohet se autori është gjithashtu shqiptar dhe i njohur për policinë për përfshirje në çështje droge.
Policia greke ka rrethuar zonën dhe ka nisur hetimet për të zbuluar të gjitha detajet e vrasjes dhe për të arrestuar autorin.
