Një autobus i linjës ndërkombëtare Sarandë–Athinë është ndaluar nga policia greke në Igumenicë, pasi në të u gjetën dy shtetas shqiptarë pa dokumente të rregullta. Gjatë kontrollit të ushtruar nga oficerët grekë, u zbulua se pasagjerët nuk kishin dokumentacionin e nevojshëm për hyrjen dhe qëndrimin në Greqi.
Si pasojë, policia ka arrestuar shoferin e autobusit dhe ka sekuestruar mjetin, i cili është në pronësi të kompanisë shqiptare “Ahmeti Travel”. Autobusi po largohej nga Greqia në momentin kur u ndalua.
Materialet për rastin janë referuar në Prokurorinë e Shkallës së Parë të Thesprotisë, ndërsa hetimet po vijojnë për të zbuluar nëse ka pasur edhe raste të tjera të ngjashme.
