Më 22 qershor, në Foria di Centola, ndodhi një përleshje me armë zjarri gjatë një tentativë vjedhjeje. Policia italiane arrestoi Xhuljan Kurtin, 28 vjeç, shqiptar, i cili dyshohet se ishte pjesë e një grupi me tre persona që tentuan të vjedhin në disa shtëpi.
Një tjetër shqiptar, Rivaldo Rusi, u vra gjatë ngjarjes nga pronari i shtëpisë, Aurelio Valiante, 58 vjeç, i cili përdori një pushkë gjuetie për të mbrojtur familjen dhe pronën e tij. I treti nga banda është ende në kërkim.
Pas ngjarjes, Valiante dhe familja e tij u zhvendosën në një vend të sigurt. Ai është nën hetim për vrasje dhe fshehje të trupit të Rivaldos, sepse e kishte varrosur pa e njoftuar policinë.
Në ngjarje, Kurti u plagos dhe u arrestua. Ai akuzohet për tentativë vjedhjeje, grabitje dhe mbajtje të paligjshme të armëve.
Hetimet vazhdojnë për të gjetur anëtarin e tretë të grupit dhe për të sqaruar detajet e plota të ngjarjes.
