Kryeministri Edi Rama mbërriti sot në qytetin e Vlorës, ku iu drejtua menjëherë ambienteve të Bashkisë.
Vizita e tij zgjati më pak se dy orë dhe u zhvillua pa një njoftim të mëparshëm për mediet.
Burime për mediet bëjnë e dije se Rama kërkoi shkarkimin e nëndrejtorëve dhe disa drejtorëve në Bashkinë e Vlorës, gjatë vizitës që bëri në këtë institucion.
Ende nuk janë bërë publike detajet e takimeve të zhvilluara apo çështjet e diskutuara gjatë qëndrimit të tij në institucionin vendor, ndërsa pritet që në orët në vijim të ketë një komunikatë zyrtare, lidhur me qëllimin e kësaj vizite, e cila ka ngjallur interes dhe spekulime të ndryshme.
