Ky është 33-vjeçari shqiptar Erion Pelivani (në foto) që u qëllua për vdekje nga kunati i tij në Volos të Greqisë, ngjarje e cila tronditi sot opinionin publik.
Pas krimit kunati i viktimës ka pretenduar se për 9 vite ai kishte abuzuar me vajzën e mitur nga gruaja e parë.
Avokati mbrojtës tha se i akuzuari ka tri vajza nga martesa e parë dhe një djalë 9-vjeçar nga martesa e dytë dhe i ndjeri ka qenë vëllai i gruas së dytë.
Nga ngjarjet për të cilat u informua avokati, gruaja e tij e dytë nuk e dinte se çfarë kishte ndodhur me vajzën, ndërsa vajza, e cila sapo kishte mbushur 18 vjeç, u kishte besuar atë që kishte ndodhur motrave të saj, por jo në detaje.
I akuzuari pas arrestimit doli para hetuesve në prani të avokatit mbrojtës, z. Mich Vasilikou, i cili kërkoi kohë. 50 vjeçari do të mbrohet dhe do të shfajësohet të hënën e ardhshme dhe deri atëherë do të mbahet në paraburgim.
Avokati i të pandehurit, z. Vasilikos, deklaroi se procesi i ngritjes së aktakuzës dhe paraqitjes në hetuesi ka përfunduar dhe është lënë një afat prej pesë ditësh deri të hënën, për të përgatitur deklaratën e të pandehurit.
Sipas magnesianews.gr, akuzat e ngritura ndaj tij janë për vrasje me dashje në gjendje të qetë shpirtërore, armëmbajtje pa leje dhe përdorim armësh.
Por nga ana tjetër 50-vjeçari i akuzuar për vrasje ndodhet në gjendje të keqe psikologjike.
Avokati deklaroi se gjendja psikologjike e të pandehurit është shumë e keqe, pasi tani pas kalimit të disa orëve që kur ndodhi ngjarja ai ka kuptuar se çfarë dhe si kanë ndodhur.
“Që në fillim gjendja e tij psikologjike ishte shumë e keqe, kur mësoi mbi atë që kishte të bënin me të bijën dhe “humbi vetëdijen” për shkak se kishte lidhje familjare me të ndjerin dhe kishte besim të plotë tek ai si rezultat i së cilës viktima ka pasur qasje të lirë në shtëpinë e tij. U ndje shumë keq, kishte ndjenja të forta zemërimi, trishtimi dhe shqetësimi, gjë që padyshim çoi në atë që ndodhi më pas”, theksoi z. Vassilikos.
Siç tha ai, 50-vjeçari e ka kuptuar me vonesë se një burrë, pavarësisht nëse ka pasur apo jo ndonjë vepër penale, ka humbur jetën dhe se ndoshta duhet ta kishte trajtuar ndryshe çështjen nëse gjendja shpirtërore i lejonte një gjë të tillë, çka ka shfaqur shenja pendimi.
“I pandehuri është shprehur se i vjen keq që gjërat kanë shkuar deri aty, por ka qenë gjendja e tij shpirtërore që e ka çuar në veprimet e tij”, theksoi Vassilikos. Ai po ashtu ka përmendur se në krah të tij pas krimit janë tre vajzat, motra dhe bashkëshorti i saj.
/Liberale.al/
