Policia e Krujës vijon kontrollet në kuadër të operacionit “Koordinata” për evidentimin dhe goditjen e tentativave për kultivim të bimëve narkotike.
Në kuadër të këtij operacioni është godiur një rast i kësaj veprimtarie kriminale në fshatin Borizanë.
Dy persona, F. F., 25 vjeç dhe K. F., 21 vjeç(kushërinj) janë arrestuar si autorë të dyshuar.
Policia gjatë kontrolleve gjeti të kultivuar 212 fidanë të dyshuar narkotike cannabis sativa të cilët u sekuestruan.
Gjithashtu u sekuestrua një aparat celular dhe automjeti që këta shtetas përdornin për të shkuar në vendin ku kishin kultivuar fidanët narkotikë.
