Një ngjarje e rëndë ka ndodhur sot në qytetin e Durrësit, ku një 40-vjeçar është plagosur me armë zjarri. Viktima është identifikuar si Besmir Gorgea.
Sipas burimeve nga policia dhe gazetarit të News24, Gorgea ka mundur të shkojë vetë në stacionin e policisë pas plagosjes dhe ka kërkuar ndihmë për të shkuar në spital. Ai është transportuar menjëherë në Spitalin Rajonal të Durrësit dhe ndodhet aktualisht në sallën e operimit.
Nga informacionet paraprake, dyshohet se ai ishte në lëvizje në momentin që është qëlluar. Nuk dihen ende motivet e ngjarjes apo autori i mundshëm.
