Tre shtetas shqiptarë me banim në Itali janë arrestuar këtë mëngjes nga karabinierët, si pjesë e një organizate kriminale që merrej me trafikimin e drogës në zonat e Pioltello dhe Rodano. Operacioni përfshiu edhe kontrolle në provincat e Milanos dhe Palermos, ku u kontrolluan gjithsej 9 persona.

Hetimet, të bazuara edhe në përgjime dhe ndjekje në hije, zbuluan një rrjet të strukturuar që shpërndante kokainë kryesisht në rrugët publike të Satelitorit të Pioltello dhe në Rodano. U identifikuan depo droge në një banesë private dhe një objekt tregtar, si dhe një sistem për ruajtjen e fitimeve nga aktivitetet e paligjshme.

Tre shqiptarët, të moshave 43, 46 dhe 48 vjeç, ishin drejtuesit e grupit, përgjegjës për menaxhimin e porosive dhe koordinimin e bashkëpunëtorëve. Ata gjithashtu kontrollonin transferta krediti për klientët më besnikë.

Më parë, në janar-mars 2024, disa persona të tjerë, përfshirë dy italianë dhe një shqiptar, ishin arrestuar në kuadër të të njëjtës hetim. Gjatë operacioneve janë sekuestruar mbi 500 gramë kokainë, peshore dhe materiale paketimi. Po ashtu, janë bllokuar 10 llogari bankare dhe postare ku u gjetën para nga aktivitetet kriminale.