Kreshnik Bajraktari është emëruar drejtor i Autoritetit Portual të Durrësit, i cili deri më 30 korrik u mbajt nga Pirro Vengu.
Ky i fundit u emërua nga kryeministri Edi Rama si ministër i Financave dhe sot pas betimit tek presidenti Begaj, do të nisë punën në krye të këtij institucioni.
Drejtori i ri i portit deri më tani ka mbajtur detyrën e këshilltarit pranë ministrisë së Energjisë dhe Infrastrukturës.
Ai ka mbaruar studimet e larta në universitetin Politeknik të Tiranës dhe është me origjinë nga Kukësi.
Emërimi i tij u bë ditën e djeshme kur u hap gara ndërkombëtare për ndërtimin e portit të ri në Porto Romano.
