Një aksident i rëndë ka ndodhur pasditen e sotme në minierën e kromit në fshatin Katjel, Prrenjas, ku ka humbur jetën minatori Sajmir Bego, 57 vjeç. Ai ishte edhe kryetar i sindikatës së minatorëve në zonë.
Sipas njoftimit të Policisë së Librazhdit, rreth orës 18:00 dyshohet se gjatë punës ka rrëshqitur një masiv minerali, i cili ka zënë dhe fatkeqësisht i ka marrë jetën 57-vjeçarit.
Grupi hetimor ndodhet në vendngjarje dhe po vijon punën për sqarimin e plotë të rrethanave dhe dokumentimin ligjor të rastit.
