Një 29-vjeçar është proceduar në gjendje të lirë nga efektivët e Komisariatit të Policisë Nr. 2 në Tiranë, pas një kallëzimi të bërë nga kunati i tij. Sipas informacioneve zyrtare të Policisë, i riu me inicialet M. N. dyshohet se ka kanosur bashkëshortin e motrës së tij përmes thirrjeve telefonike.
Po ashtu, viktima e kallëzimit pretendon se 29-vjeçari ka nxitur dy shtetas të tjerë për ta dhunuar fizikisht. Aktualisht, po vijon puna për identifikimin dhe kapjen e personave të përfshirë, si dhe për verifikimin e plotë të rrethanave të ngjarjes.
Policia ka bërë me dije se çështja është në ndjekje dhe pritet që të hidhet më shumë dritë mbi motivet dhe përfshirjen e personave të tjerë në këtë rast.
