Pas suksesit të menjëhershëm në rrjetet sociale, “Veshu Ndrequ” nga Gjesti është publikuar si një këngë e plotë në YouTube, e shoqëruar me një videoklip energjik dhe kreativ. Projekti sjell një atmosferë pozitive dhe festive, duke u kthyer në një tjetër hit për artistin, i njohur për stilin e tij unik në skenën shqiptare të hip-hopit dhe muzikës urbane.
Videoklipi spikat për përdorimin e ngjyrave të ndezura dhe kontrasteve të forta, ndërsa përfshin skena komike dhe situata të papritura që e bëjnë edhe më tërheqës për publikun. Elementet vizuale janë të kuruara deri në detaj, duke reflektuar energjinë dhe ironinë e lehtë që përçon vetë kënga.
“Veshu Ndrequ” është më shumë se një frazë e bërë virale është kthyer në një mesazh për vetëbesim, stil dhe spontanitet, që i flet drejtpërdrejt brezit të ri.
Reagimet në rrjetet sociale kanë qenë shumë pozitive, me fansa që e kanë cilësuar këngën si “himnin e verës” dhe një nga projektet më argëtuese të Gjestit deri tani.
