Globi

Pas sulmeve amerikane, IRANI paralajmëron SHBA për pasoja të përjetshme!

Shkruar nga Liberale
Pas sulmeve amerikane, IRANI paralajmëron SHBA për pasoja të

Ministri i Jashtëm i Iranit, Seyed Abbas Araghchi, i dënoi sulmet amerikane të cilat i quajti “të shëmtuara” dhe tha se Irani po rezervon “të gjitha opsionet për të mbrojtur sovranitetin e tij”.

“Ngjarjet e këtij mëngjesi janë të tmerrshme dhe do të kenë pasoja të përjetshme. Çdo anëtar i OKB-së duhet të alarmohet për këtë sjellje jashtëzakonisht të rrezikshme, të paligjshme dhe kriminale”, shkruan ai në një postim në X.

Më tej Araghchi shton se SHBA-të kanë “kryer një shkelje të rëndë”

SHBA-të thonë se kanë kryer sulme në tre objekte bërthamore në Iran: Natanz, Isfahan dhe Fordo ky i fundit besohet të jetë objektivi më i vështirë dhe më i çmuar.

Në një fjalim televiziv drejtuar kombit, Trump e cilësoi operacionin si një “sukses spektakolar ushtarak”, duke e paralajmëruar Teheranin të bëjë shpejt paqe ose të përballet me sulme “shumë më të mëdha”.

SHBA-të thuhet se përdorën bomba të rënda për shkatërrimin e bunkerëve të hedhura nga bombarduesit strategjikë B-2 dhe raketat Tomahawk.

Irani pranoi se një pjesë e lokacionit Fordo u “sulmua nga sulmet armike”, por po minimizon shkallën e dëmit.

Izraeli mirëpriti përfshirjen e SHBA-së. Kryeministri izraelit Benjamin Netanyahu tha se “vendimi i guximshëm” do të “ndryshojë rrjedhën e historisë”

Liberale Newsroom

A mund të shihen si shpresëdhënës politikanët e rinj për të përmbysur raportin tradicional të dy partive të mëdha në qeverisje prej ‘92?

  • Po!
  • Jo!
Powered by the Tomorrow.io Weather API
SHQIPENGLISH