Një ngjarje e pazakontë ka ndodhur pranë autostradës në zonën e Fushë Mamurrasit, ku një taksist është grabitur nga një pasagjer.
Sipas informacioneve, pasagjeri kishte marrë një taksi për të udhëtuar në drejtim të veriut të vendit. Në një moment, ai i ka kërkuar drejtuesit të taksisë që të devijonte rrugën drejt fshatit Fushë Mamurras. Pasi kishin udhëtuar disa metra, pasagjeri jo vetëm që nuk ka paguar udhëtimin, por i ka grabitur taksistit edhe një shumë prej 400 mijë lekësh të vjetra (40 mijë të reja).
Taksisti ka bërë menjëherë denoncim në Komisariatin e Policisë së Kurbinit, ndërsa policia po punon për identifikimin dhe kapjen e autorit.
