Me kërkesë të SPAK është firmosur masë sigurie ‘arrest me burg’ ndaj kryebashkiakut Erion Veliaj, ndërsa për bashkëshorten e tij, Ajola Xoxa është vendosur masa e ‘arrestit në shtëpi’.
Por mësohet se bashkëshortja e Veliaj, Ajola Xoxa prej dy ditësh ndodhet në Itali. Sipas raportimeve të fundit, Ajola Xoxa ka shkuar në Itali për arsye shëndetësore.
Kujtojmë që në dhjetor Prokuroria e Posaçme sekuestroi telefonin e bashkëshortes së Veliajt, Ajola Xoxa, dhe ushtroi kontroll në ambientet e qendrës “Harabel” dhe të “Nan Gallery”, të themeluara prej saj.
Masa sigurie janë edhe për Gentian Sulën, Meriman Palushi, Fatmir Bektashi, Sokol Kryeziu dhe Shkëlqim Fusha.
