Deputeti demokrat Ervin Salianji ka reaguar pas Kuvendit të thirrur sot paradite nga grupi i "Rithemelimi" i drejtuar nga Sali Berisha.
Përmes një postimi në rrjetin social "Facebook", Salinji thekson se "korrigjimet janë të pamjaftueshme, ndryshimet e thella më shumë se të domosdoshme."
Kujtojmë se ky është reagimi i parë i deputetit demokrat për Kuvendin ku foli për herë të parë vajza e Sali Berishës, Argita.
Postimi i plotë i Ervin Salianjit
Opozita e ka jetike transformimin, rikonceptimin, ridimensionimin dhe qasjen ndryshe me qytetarët dhe vetveten! Korrigjimet janë të pamjaftueshme, ndryshimet e thella më shumë se të domosdoshme! Bashkimi mes vetes dhe hapja drejt shoqërisë është frymëmarrje jetike për opozitën sot!
Nevoja për ti hapur rrugën me meritë më të mirëve, profesionistëve me integritet, diasporës, të rinjve, shoqërisë!
