Kanë kaluar më shumë se dy javë që nga zgjedhjet parlamentare të 11 Majit dhe tashmë rezultati është certifikuar nga Komisioni Qendror i Zgjedhjeve në të gjitha qarqet e vendit. Sot ka ardhur edhe reagimi i parë zyrtar nga Ambasada e Shteteve të Bashkuara në Tiranë.
Në një deklaratë të shkurtër, por të rëndësishme, Ambasada Amerikane përshëndet popullin shqiptar për mbajtjen e zgjedhjeve dhe thekson dëshirën për të vazhduar bashkëpunimin me Shqipërinë.
“Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë,” – thuhet në deklaratë.
