Gjykata e Posaçme e Apelit la në fuqi vendimin e masës arrest me burg për ish-kryebashkiakun e Bulqizës Lefter Alla, pavarësisht se ai pretendoi se ishte i sëmurë dhe kërkoi lehtësimin e masës.
Ish-kryebashkiaku i Bulqizës kërkoi një masë më të butë sigurie se ajo e arrestit me burg, madje ai nuk u paraqit në seancë por përfaqësohej nga avokati i tij, pasi bëhet me dije se ai ndodhet në spitalin e burgut për shkak të problemeve shëndetësore.
Alla akuzohet për shpërdorim detyre dhe shkelje të barazisë në tender lidhur me tenderin me vlerë afro 3 mln euro për projektin e kanalizimeve dhe ujësjellësit në lagjen e vjetër të Bulqizës.
