Skiatorja Lara Kolturi do të vazhdojë të përfaqësojë Shqipërinë në ski. Ndonëse ishte njoftuar dëshira e skiatores italiane për t’u larguar, Federata e Skive ka njoftuar lajmin e mirë për rinovimin e kontratës.
Tashmë Kolturi do vazhdojë kështu edhe për të paktën 1 vit duke përfaqësuar ngjyrat kuqezi.
“Një lajm i mirë për Shqipërinë dhe Federatën Shqiptare të skive. Është arritur një marrëveshje që atletja Lara Kolturi të vazhdojë të garojë për Shqipërinë dhe për sezonin 2025-2026.
Po punohet intensivisht për detajet e kontratës. I urojmë Larës suksese në shkollë këto ditë, përveç sportit dhe karrierës në sport Lara mbyll këtë vit studimet e shkollës së mesme. Suksese Larës dhe Shqipërisë në Lojërat Olimpike”, shkruhet në njoftimin e Federatës së Skive.
