Fotografja Elizabeth Kahane ka kaluar më shumë se një çerek shekulli duke ndjekur Paradën vjetore të Ditës së Falenderimeve të Macy's nga dritarja e apartamentit të saj në Nju Jork, me pamje nga rruga kryesore e paradës. Kahane, një entuziaste e madhe e paradës, e cila ka qenë pasion i saj që nga vitet '90, ka fotografuar balonat ikonike dhe personazhet e njohur të kulturës pop si Snoopy, Grinch, Thomas the Tank Engine dhe shumë të tjerë.

Ajo ka përdorur një teknikë të guximshme për të kapur pamjet më të bukura, duke qëndruar jashtë dritares, në kushtet më të vështira të motit, për të siguruar foto që mund të humbisnin nga brenda apartamentit.

Imazhet e Kahane, më shumë se 160 prej të cilave janë përfshirë në librin e saj të fundit "Come Join the Parade", pasqyrojnë atmosferën festive të paradës, e cila është një ngjarje kulturore dhe televizive shumë e rëndësishme për qytetin e Nju Jorkut dhe për miliona spektatorë që e ndjekin çdo vit.

Kahane ka kapur momentet më të bukura të paradës, duke pasqyruar jo vetëm balonat dhe personazhet, por edhe gëzimin dhe entuziazmin e njerëzve që e ndjekin këtë ngjarje.

Një pjesë e veçantë e këtyre imazheve është mënyra se si Kahane ka krijuar një lidhje të veçantë me këtë ditë dhe me shikimin e paradës.

Çdo vit, përgatitjet për këtë ditë janë një ritual i përsëritur për të dhe familjen e saj, duke përfshirë rezervimin e pastruesit të dritaresh dhe gatimin e ushqimeve speciale për Ditën e Falenderimeve, si lox dhe bagels. Kahane gjithashtu ka ftuar miqtë e saj dhe fëmijët për të shijuar pamjet, duke krijuar kështu një përvojë të paharrueshme për ata që kanë kaluar në këtë moment të veçantë të vitit.

Përshtati për /Liberale.al/ Albana Cenaj