Nuk kishin ndoshta as rëndësi dhe as kuptim fotot e tjera, veç asaj të Enver Hoxhës. Nxënësit dhe studentët duhet të mbanin shami pionieri kudo që shkonin. Përveç shkollës, edhe në evente kulturore dhe artistike.
Është kjo foto e vitit 1981, në një ekspozitë në Tiranë, në ambjentet e ish-ekspozitës “Shqipëria sot”.
Ekspozita “Shqipëria Sot” ka qenë një sallë ekspozimi në Tiranë, e ndërtuar në vitin 1970 dhe e prishur në vitin 2011, për t’i hapur rrugë ndërtimit të pallateve.
Ekspozita paraqiste dhe propagandonte arritjet kryesore më të fundit në fushat e ekonomisë, të kulturës e të arsimit, përparimin teknik e shkencor dhe rrugën e ndërtimit të socializmit në Shqipëri.
Përmbante makineri e prodhime të tjera të vendit, të dhëna statistikore, makete, fotografi etj. Jepte ndihmesë për përhapjen e arritjeve të revolucionit tekniko-shkencor dhe për arsimin e kulturën.
