Në Galerinë “Edward Lear” në Berat u hap të martën, më 24 qershor, edicioni i shtatë i ekspozitës vjetore të grupit të njohur artistik “MURI”. Ngjarja mblodhi një grup të përzgjedhur artistësh shqiptarë si Adrian Devolli, Arben Meksi, Fatmir Minga, Violeta Kongo e të tjerë, dhe i kushtoi një homazh të veçantë piktorit të ndjerë Leon Çika (in memoriam).
Të gjitha veprat janë krijuar enkas për këtë ekspozitë dhe përfaqësojnë rryma bashkëkohore, duke dëshmuar dialogun e vazhdueshëm të artistëve me zhvillimet e artit pamor në Shqipëri. Ekspozita do të mbetet e hapur për disa ditë, duke ofruar një mundësi të veçantë për publikun e pasionuar pas artit.
/S.B/Liberale.al/
