Ka pasur reagime të shumta, pas fitores së Argjentinës, në finale të Kupës së Botës.
Kryeministri Edi Rama ka përshëndetur fitoren e Argjentinës në Botëror. Kreu i qeverisë ka ndarë në Facebook një fotografi të Messit me Maradonën teksa ka shkruar: Këtë kupë të “çmendur” bote mbreti i futbollit në tokë mundi ta fitonte vetëm me ndihmën e mbretit lart në qiell”.
Argjentina triumfoi duke mundur Francën me penallti, në një finale emocionuese – ndër më të bukurat në histori. Argjentina ka fituar Kupën e Botës 2022 për herë të tretën herë në histori, pas 36 vitesh. Për Messin ishte trofeu që i mungonte.
