Elon Musk ka njoftuar dorëheqjen nga pozita e këshilltarit të posaçëm në administratën e presidentit Donald Trump, pas kritikave të ashpra ndaj projektligjit të fundit fiskal të propozuar nga ky i fundit.
Në një postim në platformën X, Musk e cilësoi projektligjin si një "ligj shpenzimesh masive" që kundërshton përpjekjet e administratës për të ulur shpenzimet, një nismë që ai vetë kishte mbështetur publikisht.
Musk shprehu mirënjohjen ndaj presidentit për mundësinë e bashkëpunimit, por nënvizoi se ky ishte fundi i periudhës së tij të planifikuar në administratë. Ky largim vjen pas një periudhe të shkurtër, por të trazuar, ku Musk udhëhoqi Departamentin e Eficiencës Qeveritare (DOGE), i cili synonte të reduktonte burokracinë federale.
Vendimi i tij reflekton tensionet në rritje mes liderëve të biznesit dhe administratës Trump mbi prioritetet fiskale dhe politikat e shpenzimeve. /S.B/ Liberale.al/
