Jo të gjithë e kanë të nevojshme të jenë në një lidhje për t’u ndier të plotësuar. Për disa shenja të horoskopit, të qenit vetëm nuk është një fatkeqësi, por një zgjedhje që u sjell qetësi, pavarësi dhe vetërealizim. Ja cilat janë disa nga këto shenja dhe pse beqarllëku mund të jetë pikërisht ajo që u duhet:

???? Virgjëresha
Perfeksioniste, e organizuar dhe gjithmonë në lëvizje. Virgjëreshat kanë një listë të gjatë me qëllime dhe nuk kanë kohë të merren me dramën e marrëdhënieve. Ato e vlerësojnë qetësinë dhe pavarësinë, dhe shpesh janë kaq përzgjedhëse, sa askush nuk duket i përshtatshëm.

???? Shigjetari
Një aventurier i lindur që kërkon lirinë para gjithçkaje tjetër. Shigjetarët nuk heqin dorë lehtë nga udhëtimet, përvojat e reja dhe njohjet e rastësishme. Ata e duan dashurinë, por jo kufizimet që ajo sjell. Për ta, një lidhje shpesh është një kufizim i panevojshëm.

????Ujori
I veçantë, mendjehapur dhe tepër individualist. Ujori mendon ndryshe nga të tjerët dhe nuk i përshtatet lehtë botës së dikujt tjetër. Ai kërkon një partner që e kupton pa pasur nevojë të ndryshojë. E nëse nuk e gjen, është më se i lumtur vetëm.

???? Peshqit
Të ndjeshëm dhe ëndërrimtarë, Peshqit e duan idenë e dashurisë, por ndonjëherë ndihen të mbytur prej saj. Ata kanë nevojë për hapësirën e tyre për të krijuar, për të ëndërruar dhe për të qenë në paqe me veten. Kur ndihen të lirë, dashurinë e gjejnë kudo – jo domosdoshmërisht në një lidhje.