Një surprizë e këndshme për fansat shqiptarë të serialit turk “Osmani”. Aktori Burak Özçivit, ndodhet në Shqipëri për disa ditë pushimi. Në postimin e fundit në rrjetet sociale, Burak la të kuptohej se po nisej drejt një destinacioni të veçantë. Disa orë më vonë, destinacioni u zbulua që ishte Vlora.
I shoqëruar nga partnerja e tij, Özçivit u fiksua në bashkinë e Vlorës. Këtu aktori u prit në një takim nga kryebashkiaku Ermal Dredha.
Burak Özçivit është një nga aktorët më të dashur për publikun shqiptar, falë rolit të tij si Osmani në serialin historik turk me të njëjtin emër, i cili vijon të transmetohet në Televizionin Klan, duke tërhequr një audiencë të lartë.
Vizita e tij në bregdetin e Vlorës ka ngjallur reagime të shumta pozitive në rrjetet sociale, ku fansat shqiptarë janë shprehur të lumtur që aktori i tyre i preferuar ka zgjedhur pikërisht Shqipërinë për të pushuar.
